Raporti britanik: Eksportet e grurit të Ukrainës do të bien me dy të tretat
Raporti i fundit nga Ministria Britanike e Mbrojtjes thotë se pushtimi rus vazhdon të ketë një ndikim shkatërrues në sektorin bujqësor të Ukrainës dhe se eksportet e drithërave të Ukrainës do të bien me dy të tretat.
Sipas raportit, lufta ka prekur edhe zinxhirët e furnizimit me fara dhe plehra.
- Bllokada ruse e Odesës pengon eksportet e ushqimit dhe nuk ka gjasa që eksportet e drithërave të Ukrainës në vitin 2022 të jenë më të larta se 35 për qind krahasuar me vitin e kaluar, tregon raporti i Ministrisë së Mbrojtjes britanike.
Gjithashtu thuhet se pas pushtimit të Lisichansk, fokusi i Rusisë me shumë gjasa do të jetë në Donetsk.
“Lufta për Donbass është e ashpër dhe rraskapitëse dhe nuk ka gjasa që kjo të ndryshojë në javët e ardhshme”, tha Ministria Britanike e Mbrojtjes.