Britania mund të dërgojë avionë luftarakë në Ukrainë, tha ministri Wallace
Ministri britanik i Mbrojtjes Ben Wallace tha sot se Londra nuk po përjashton mundësinë e dërgimit të avionëve në Ukrainë, ndërsa paralajmëroi se nuk është një “shkop magjik” duke pasur parasysh kohën e nevojshme për stërvitje.
– Isha i qartë për aeroplanët. Nëse ka një gjë që kemi mësuar vitin e kaluar, është të mos bëjmë asgjë paraprakisht dhe të mos përjashtojmë asgjë, tha Wallace.
Kievi po kërkon avionë luftarakë F-16 të prodhuar nga SHBA për të ndihmuar në parandalimin e një pushtimi rus të Ukrainës. Shtetet e Bashkuara kanë thënë se nuk kanë plane të dërgojnë F-16 në Ukrainë për momentin, por vende të tjera si Polonia janë më të hapura për këtë çështje.
- Jam shumë i hapur të mendoj për çdo lloj sistemi, jo vetëm avion, për të ndihmuar Ukrainën. Këto gjëra nuk ndodhin brenda natës. Trajnimi i pilotëve ukrainas do të merrte muaj, vuri në dukje Wallace, duke shtuar se "nuk ka shkop magjik për atë konflikt të tmerrshëm".
Zëdhënësi i kryeministrit britanik Rishi Sunak tha dy ditë më parë se avionët Typhoon dhe F-25 janë jashtëzakonisht të sofistikuar dhe kërkojnë muaj trajnim.