Britania dhe Lituania nënshkruajnë marrëveshje bashkëpunimi për sigurinë
Mbretëria e Bashkuar dhe Lituania nënshkruan sot një deklaratë të përbashkët për forcimin e bashkëpunimit të mbrojtjes dhe sigurisë.
Britania theksoi se deklarata do të bazohet në bashkëpunimin e mbrojtjes midis dy aleatëve të NATO-s, duke forcuar rezistencën ndaj kërcënimeve globale, duke përfshirë ato nga Rusia dhe Kina.
- Britania e Madhe dhe Lituania janë dy vende që besojnë në lirinë dhe sovranitetin dhe janë kundër regjimeve autoritare në Evropë dhe në botë. "Ne jemi me Ukrainën kundër luftës ilegale, barbare të Rusisë," tha Sekretarja e Jashtme britanike Liz Tras.
Me këtë marrëveshje, Londra po rrit mbështetjen e saj për kombet që kanë frikë se presidenti rus Vladimir Putin nuk do të ndalet në Ukrainë në një përpjekje për të rishikuar kufijtë e Evropës. Shqetësimet në shtetet baltike për agresionin rus janë rritur që nga pushtimi i Ukrainës më 24 shkurt, si në Lituani, e cila është gjithashtu një anëtare e NATO-s dhe një ish-shtet sovjetik.