Brukseli dënoi shtypjen e protestave në Iran, në të cilat vdiqën më shumë se 40 persona

Protesta në Iran/ Foto EPA-EFE/STR

Bashkimi Evropian e ka vlerësuar sot si “të pajustifikuar dhe të papranueshëm” “përdorimin joproporcional” të forcës kundër protestuesve në Iran, pas nëntë ditësh protesta për vdekjen e Mahsa Amini, ku humbën jetën 41 persona.

Përfaqësuesi i lartë i BE-së për politikën e jashtme dhe sigurinë, Josep Borrell, dënoi gjithashtu vendimin e autoriteteve iraniane për të kufizuar në mënyrë drastike aksesin në internet dhe bllokimin e platformave të mesazheve.

Borrell tha se ishte një "shkelje flagrante e lirisë së fjalës".

Protestat në Iran nisën më 16 shtator, ditën e vdekjes së 22-vjeçares Mahsa Amini. Ajo u arrestua më 13 shtator nga “policia e moralit” për shkelje të kodit të rreptë të veshjes islame. Vajza ra në koma dhe vdiq në spital. Ndryshe nga pretendimi i autoriteteve se ajo vdiq nga një “sulm i papritur në zemër”, protestuesit besojnë se rrahja e Aminit nga policia ka shkaktuar vdekjen e saj.

Video e ditës