Brighton nuk po heq dorë nga Caicedo
Skuadra e Brighton u ka thënë sërish klubeve të mëdha angleze që kanë shfaqur interes për ekuadorianin Moise Caicedo se ai nuk është në shitje. Edhe pse sipas mediave britanike, Arsenali ka dërguar një ofertë prej 70 milionë funte mbrëmë, Brighton e ka refuzuar shprehimisht atë ofertë.
Sipas mediave britanike, Arsenali dhe Chelsea janë në garë për nënshkrimin e Caicedo. Por fokusi i Chelseat është te argjentinasi Enzo Fernandez nga Benfica, ndaj lideri i tabelës së Premierligës i hapet rruga drejt Caicedos.
Por tani për tani, Brighton nuk po ndryshon qëndrimin e tij. Ata nuk duan të shesin Caicedo, i cili i ka kërkuar publikisht klubit që ta lejojnë të transferohet në Londrën Veriore.
Kanë mbetur edhe 2 ditë nga transferta dimërore, ndaj ky transferim është një nga më interesantët për t'u ndjekur në këto momente.