Bashkimi Evropian po punon për paketën e 15-të të sanksioneve kundër Rusisë, e cila do të forcojë masat kundër anashkalimit të sanksioneve ekzistuese, me qëllim izolimin e industrisë ruse nga importet, tha kreu i diplomacisë së BE-së, Josep Borrell.
Ai foli me ministrin e Jashtëm ukrainas Andriy Sibih në Kiev.

- I përmenda sanksionet në fillim të bisedës sonë. Po, ne po punojmë në paketën e 15-të kundër Rusisë, në mënyrë që të vendosim masa kundër shmangies së sanksioneve, sepse Rusia nuk mund të prodhojë pa pjesë të huaja, çipa të huaj dhe komponentë të tjerë - tha Borel, njoftoi uebfaqja e Bashkimit Evropian.

Ai shtoi se qëllimi i sanksioneve është të izolojnë kapacitetet industriale të Rusisë nga komponentët që duhet të importojnë nga pjesa tjetër e botës.