Të paktën shtatë të vdekur dhe dhjetëra të plagosur pasi një sulmues vetëvrasës hodhi veten në erë në një dyqan çaji në kryeqytetin e Somalisë, Mogadishu.

Zëdhënësi i policisë somaleze, Sadiq Ali, tha se nga shpërthimi kanë humbur jetën pesë persona dhe gjashtë janë plagosur. Sipas tij, sulmuesi ishte pjesëtar i Al-Kaedës.

Grupi al-Shabaab i lidhur me Al-Kaedën mori përgjegjësinë për sulmin në një mesazh të publikuar përmes degës së tij arabe të agjencisë së lajmeve Shahada. Sipas al-Shabaab, 11 persona u vranë dhe 18 u plagosën.

Sulmi ndodhi në një postbllok në rrugën që të çon në Parlament dhe rezidencën presidenciale, ndërsa dyqani po vizitohej nga ushtarët.

Në qershor, al-Shabaab, i cili kërkon të rrëzojë qeverinë qendrore dhe të imponojë interpretimin e vet të ligjit islamik, vrau 54 ushtarë ugandas në bazën e tyre në jugperëndim të Mogadishu.