Bolsonaro humbet pas raundit të parë të zgjedhjeve presidenciale në Brazil
Ish presidenti i Brazilit, Luis Inacio Lula da Silva, në zgjedhjet e djeshme fitoi më shumë vota se kundërshtari - kreu aktual i shtetit Jair Bolsonaro, por Brazili do të marrë presidentin e ardhshëm pas raundit të dytë të zgjedhjeve më 30 tetor.
Pas numërimit të 99,7 për qind të votave elektronike, ish-presidenti i majtë Lula fitoi 48,4 për qind, ndërsa i djathtë Bolsonaro 43,3 për qind, njoftoi komisioni zgjedhor.
Duke qenë se asnjë kandidat nuk fitoi më shumë se 50 për qind të votave, Lula dhe Bolsonaro do të shkojnë në raundin e dytë të zgjedhjeve të planifikuar për më 30 tetor si dy kandidatë.
“Lufta vazhdon deri në fitoren përfundimtare”. Ne do t'i fitojmë këto zgjedhje”, tha mbrëmë Lula.
Rezultati ishte shumë më i ngushtë se sa pritej, pasi sondazhet parazgjedhore e kishin Lulën shumë përpara. Disa ekspertë sugjeruan që të anketuarit nuk i deklaruan preferencat e tyre të vërteta ose nuk e vendosën në ditën e zgjedhjeve.
Nëse Lula fiton balotazhin, ai do të jetë presidenti i parë demokratik brazilian që do të shërbejë për një mandat të tretë, duke qenë president nga 2003 deri në 2010.
Në zgjedhjet e djeshme, më shumë se 156 milionë njerëz patën të drejtën e votës, në të cilat u zgjodhën guvernatorët, një e treta e senatorëve, si dhe përfaqësuesit federalë dhe 27 shtetërorë.
Ish-presidenti Jair Bolsonaro ka shprehur më parë dyshime për sistemin zgjedhor dhe ka treguar se mund të mos i njohë rezultatet e zgjedhjeve, të cilat kanë ndarë ekonominë më të madhe të kontinentit të Amerikës së Jugut.