Ministri i Transportit dhe Lidhjeve Blagoj Bochvarski Ai gjatë vizitës së sotme në Komunën e Zhelinos deklaroi se viti 2023 do të jetë vit i projekteve infrastrukturore, të tilla si në Maqedoninë e pavarur nuk ka ekzistuar.

Ndërtimi i 110 kilometrave autostradë, thotë ai, do të rrisë ekonominë dhe do t'ua lehtësojë jetën qytetarëve. Sipas tij, këtë muaj duhet të përfundojë procedura për përzgjedhjen e një konsulenti dhe një autoriteti mbikëqyrës që do të monitorojë punën në ndërtimin e autostradave dhe pritshmëritë janë që në pranverë të fillojnë aktivitetet ndërtimore. Këto nuk janë vetëm fraza boshe, shtoi Bochvarski.

“Ne po tregojmë në veprim se si duhet të punohet në sferën e infrastrukturës dhe si jemi të gatshëm të punojmë në 110 kilometra autostradë, që është pjesa Tetovë – Gostivar, Gostivar – Kërçovë, Trebenisht – Strugë – Qafasan dhe Prilep – Manastir, kjo tregon se sa është e gatshme kjo qeveri për projekte të mëdha. Gjatë këtij muaji duhet të përfundojnë procedurat e ankimimit për kompaninë konsulente dhe menjëherë ajo kompani do të hyjë në negociata me kompaninë “Bechtel”, që supozohet të ndërtojë. Shtëpitë projektuese do të shohin se ku mund të fillohet ndërtimi, duke pasur parasysh se diku mund të kemi çështje pronësore-juridike, të cilat duhet të kapërcehen. Dëshirojmë të fillojmë ndërtimet kudo, por duhet respektuar pronësia e qytetarëve, por dëshirojmë që në pranverë të fillojë kjo paketë komplete prej mbi 110 kilometra autostradë”, tha ministri Boçvarski.

Ai shtoi se projekti për bypass-in për Tetovën është drejt përfundimit dhe Qeveria është në koordinim me Republikën e Kosovës për realizimin e projektit të lidhjes së rrugës Tetovë-Prizren.

“Besoj se procedura për bypass-in për Tetovën është domethënëse për të gjithë, projekti është drejt fundit dhe pres që këtë vit të shpallet procedura e tenderit. Me këtë projekt do të lehtësohet trafiku, është një bypass pranë Treboshit dhe është planifikuar një kryqëzim për zonën ekonomike dhe të gjithë elementët që lejohen sipas ligjit. Sa i përket projektit të rrugës Tetovë - Prizren, duhet të bëhet një analizë e mirë, studim i fizibilitetit, ide projekte dhe përzgjedhje e rrugës më të favorshme, që nënkupton ofertën më të favorshme dhe më të arsyetuar financiarisht. Në këtë rast është një rrugë që lidh dy shtete dhe ne kemi koordinim me Kosovën. Ne po punojmë tërësisht, të gjitha me qëllim që të mos kemi asnjë problem kur të futemi në terren, pasi është një kalim malor që do të jetë një projekt infrastrukturor shumë i vështirë. Për të gjitha hapat do t'ju informojmë në detaje, është në interes të të dyja vendeve që t'i realizojnë, shtoi Boçvarski.