Sekretari amerikan i Shtetit Anthony Blinken tha sot në Afrikën e Jugut se Rusia nuk mund të lejohet të ngacmojë Ukrainën.

“Nëse lejojmë që një vend i madh të ngacmojë një vend më të vogël, ta sulmojë dhe të marrë territorin e tij, atëherë do të jetë sezon i hapur, jo vetëm në Evropë, por në të gjithë botën”, tha Blinken.

Ai shtoi se agresioni rus kërcënon parimet bazë të sistemit ndërkombëtar.

Blinken komentoi gjithashtu deklaratat e zyrtarëve kinezë se do të përfundonin bashkëpunimin me Shtetet e Bashkuara për shumë çështje, përfshirë luftën kundër ndryshimeve klimatike.

"Kina do të ndëshkojë kështu të gjithë botën, veçanërisht vendet në zhvillim, siç janë ato afrikane", theksoi Blinken.

Sekretari amerikan i Shtetit po viziton Afrikën e Jugut, nga ku do të udhëtojë në DR Kongo dhe Ruanda.