Shefi i diplomacisë amerikane, Anthony Blinken, tha sot në Bukuresht se NATO është më e fortë dhe më e bashkuar se në çdo kohë në 30 vitet e fundit.

Në takimin dypalësh me Sekretarin e Përgjithshëm të NATO-s, Jens Stoltenberg, para fillimit të takimit dyditor të ministrave të punëve të jashtme të anëtarëve të Aleancës, Blinken shprehu pritjen që aleatët të konfirmojnë mbështetjen e tyre për Ukrainën dhe aktivitetet për forcimin e anëtarëve të aleancës ushtarake.

Parimi themelor të cilit i përmbahemi është të punojmë së bashku dhe të bashkuar, si në lidhje me luftën ruse në Ukrainë, ashtu edhe në lidhje me sfidat e paraqitura nga aktivitetet e Kinës, tha Blinken.