Sekretari amerikan i Shtetit Anthony Blinken u bëri thirrje qytetarëve amerikanë që të largohen menjëherë nga Rusia.

Paralajmërimi vlen për shtetasit amerikanë që banojnë ose planifikojnë të udhëtojnë në Rusi.

“Jemi thellësisht të shqetësuar nga njoftimi rus se një gazetar amerikan është arrestuar. Prioriteti më i lartë i Departamentit të Shtetit është siguria e qytetarëve jashtë vendit”, ka shkruar Blinken në llogarinë e tij në Twitter.

Shërbimi i Sigurisë Ruse (FSB) arrestoi Evan Gershkovich, një gazetar i gazetës amerikane "Wall Street Journal", me akuzën e spiunazhit.

Sipas FSB, Gershkovich "me udhëzimet e palës amerikane, mblodhi informacione që trajtohen si sekret shtetëror në lidhje me aktivitetet e një prej ndërmarrjeve të kompleksit ushtarak-industrial rus".

Gazetari, i cili u arrestua në qytetin Ural të Yekaterinburgut, përballet me 20 vjet burg.