Bislimoski: ERC është në proces të heqjes së licencave të BEG
Komisioni Rregullativ për Energji dhe Ujë (ERC) është në proces të heqjes së licencave të Balkan Energy Group (BEG) për prodhimin, shpërndarjen dhe furnizimin me ngrohje, informoi sot kryetari i ERC-së Marko Bislimoski.
- Kjo do të thotë se në momentin kur do t'i heqim licencat do ta informojmë Qeverinë dhe në përputhje me Ligjin për Energji, Qeveria është e obliguar të shpallë tender në të cilin do të duhet të gjenden kryerës të rinj të aktivitetit energjetik. Nuk do të ketë pasoja për revokimin e licencave dhe as qytetarët e as industria nuk do të paguajnë asnjë qindarkë, tha Bislimoski në pyetjen e gazetarëve në konferencën e sotme për media së bashku me profesorin Rubin Taleski nga FEEIT ku është bërë kalkulatori për tarifën e re. Sistemi për furnizues universal të energjisë elektrike që sot është i disponueshëm në ueb faqen e ERC-së www.erc.org.mk përmes të cilit qytetarët mund të bëjnë krahasime të faturave ndërmjet sistemit ekzistues dhe atij të ri tarifor me bllok tarifat për tarifën e lartë të energjisë elektrike të konsumuar.
Ai bëri të ditur se të gjitha procedurat do të përfundojnë me kohë, dhe deri në përfundimin e tyre, siç tha ai, kryerësi ekzistues i aktivitetit energjetik është i obliguar që ta kryejë aktivitetin.
- Mendimi dhe rekomandimi im për Qeverinë është përfundimisht në këtë sektor që të shfuqizohen tre aktivitetet e prodhimit, shpërndarjes dhe furnizimit me ngrohje, siç është kudo në rajon. Duhet të ketë licencë për energjinë termike si në qytetet më të mëdha në lagje. Unë mendoj se Qeveria apo kompanitë tjera publike duhet ta marrin përsipër kryerjen e këtij aktiviteti, tha Bislimoski.
Në të saktësohet se sipas Ligjit për Energjinë, Qeveria është e obliguar të shpallë tender për kryerjen e aktivitetit energjetik të rregulluar siç duhet. Me shpalljen e tenderit do të zgjidhet një kryesues i ri i aktivitetit energjetik dhe ai do të vazhdojë të kryejë aktivitetin ashtu siç e ka kryer atë të mëparshëm.
-Deri në emërimin e kryerësit të ri të aktivitetit energjetik, kompanitë ekzistuese të BEG janë të detyruara të kryejnë aktivitetin. Jam i sigurt se gjithçka do të përfundojë para fillimit të sezonit të ngrohjes. Nuk mund të them se sa do të zgjasë tenderi, por besoj se nga tetori BEG nuk do t'i ngrohë më shkupjanët, theksoi Bislimoski.