Bislimoski: Shteti nuk do të lejojë rritje të madhe të energjisë elektrike

Marko Bislimoski / Foto: MPB, Frosina Naskovic

Shteti nuk do të lejojë rritje të madhe të çmimit të energjisë elektrike. Kryetari i Komisionit Rregullativ të Energjisë, Marko Bislimoski, bën të ditur se shteti nuk do të lejojë rritje të madhe të çmimit të energjisë elektrike. Ai tha se ka mekanizma që do të pengojnë rritjen e energjisë elektrike për 30 për qind e më shumë.

Në “Revistën Ekonomike” të mbrëmjes së sotme në Alsat, kreu i komisionit rregullator tha se për momentin është herët të thuhet se sa do të jetë rritja e çmimit, por pretendon se “shpërthim social” nuk do të ndodhë. Megjithatë, sipas tij, realiteti është se rritja e çmimeve është e pashmangshme.

“Do të kemi një sezon të vështirë ngrohjeje, shumë më të vështirë se vitin e kaluar. Vitin e kaluar ka pasur gaz natyror, ka pasur energji elektrike, e kam fjalën për tregun evropian, por çmimet kanë qenë shumë të larta. “Tani çmimet janë edhe më të larta se vitin e kaluar dhe është e mundur që të ketë probleme me furnizimin me gaz natyror”, tha Bislimoski.

Video e ditës