Peshkopi katolik Rolando Alvarez, i cili u arrestua dhe u vendos në arrest shtëpiak në gusht, është akuzuar për komplot dhe përhapje të lajmeve të rreme, tha organi gjyqësor.

Peshkopi 56-vjeçar akuzohet për "komplot kriminal për të dëmtuar unitetin kombëtar" dhe "përhapje të lajmeve të rreme në dëm të shtetit dhe shoqërisë Nikaraguane", tha kisha në një deklaratë.

Marrëdhëniet mes kishës katolike dhe qeverisë janë acaruar që nga viti 2018, kur protestuesit që kërkonin dorëheqjen e presidentit të Nikaraguas u strehuan nëpër kisha.

Qeveria i bëri presion z. Alvarez për kritikat ndaj mbylljes së pesë radiostacioneve katolike në dioqezën e tij dhe kërkon që liria e fesë të "respektohet" dhe të ndalet "persekutimi" i Kishës Katolike.

Ai u arrestua më 20 gusht dhe u vendos në arrest shtëpiak.

Policia e ka justifikuar masën me “veprime dhe provokime destabilizuese” të peshkopit.

Bashkimi Evropian ka lëshuar informacione se Nikaragua mban më shumë se 180 "të burgosur politikë" dhe se autoritetet kanë mbyllur më shumë se 1.200 shoqata të shoqërisë civile në gjysmën e parë të 2022.