Bilousov: Ukraina po heton 26.000 raste të krimeve të luftës

Sulmi në Ukrainë

Ukraina po heton pothuajse 26.000 raste të krimeve të luftës të kryera që nga 24 shkurti, që nga fillimi i pushtimit rus të vendit, dhe deri më tani janë akuzuar 135 persona, tha sot kryeprokurori ukrainas për krimet e luftës, raportojnë mediat britanike.

Nga 135 të akuzuarit, pesëmbëdhjetë janë tashmë në paraburgim ukrainas dhe 120 të tjerë janë ende në arrati, tha ai. Yuri Bilousov, shefi i divizionit për krime lufte të Zyrës së Prokurorit të Përgjithshëm.

- Deri më tani në gjykata janë dorëzuar 13 lëndë dhe janë dhënë shtatë aktgjykime, tha ai.

Në maj, një ushtar rus 21-vjeçar i kapur mori dënimin e tij të parë të përjetshëm për vrasjen e një civili ukrainas të paarmatosur, duke u bërë personi i parë i dënuar për krime lufte në Ukrainë që nga pushtimi rus i 24 shkurtit.

- Disa na pyetën pse po i ndjekim vetëm ata... ushtarët e rangut të ulët. Vetëm se ata janë fizikisht këtu... Nëse këtu janë edhe gjeneralët dhe nëse kemi mundësi t'i ndalojmë, atëherë pa dyshim që edhe ata do t'i ndjekim penalisht, tha Bilousov.

Video e ditës