FOTO + VIDEO | Bilal Kasami me lopatë në duar gërmonte dhe largonte borën dhe akullin nga trotuaret e qytetit.

Kasami po pastronte borën dhe akullin me punonjës të shërbimeve / Foto: Facebook

Kryetari i Komunës së Tetovës, Bilal Kasami, së bashku me punëtorët e ndërmarrjes komunale mbrëmë kanë punuar në pastrimin e borës dhe akullit nga trotuaret, si dhe hedhjen e kripës. Fotot e shpërndara në rrjetet sociale tregojnë se Kasami së bashku me drejtorin e PCE Tetovë Nuredin Fetai duke gërmuar me lopata në duar dhe duke hequr borën dhe akullin nga trotuaret e ngrira të qytetit. Ata kanë ndihmuar edhe punëtorët në hedhjen e kripës.

-Ndërsa të gjithë janë në shtëpitë e tyre në këto temperatura të ulëta, heronjtë e qytetit kujdesen për hapësirat publike. Sonte bashkërisht kemi pastruar trotuaret nga bora dhe akulli i krijuar nga temperaturat e ulëta Siguria dhe lëvizja e lirë e qytetarëve është detyrë e jona, tha Bilal Kasami.

Dy ditë më parë kryebashkiaku u premtoi punonjësve të Higjienës Komunale uniforma dhe pajisje pune të reja, paga më të larta dhe kushte më të mira pune në ambientet e tyre.

Burimi: MIA

Video e ditës