Bieber: Propozimi francez është një fatkeqësi për BE-në, Brukseli pranoi logjikën nacionaliste të Sofjes

Profesori i politikës dhe historisë së Evropës Juglindore në Universitetin e Gracit, Florian Bieber, në shtatë pika në Twitter ka shpjeguar se pse propozimi francez për fillimin e negociatave për anëtarësim të Maqedonisë me Bashkimin Evropian është "fatkeqësi për zgjerimin" e BE-së dhe nuk është i mirë për vendin.

Sipas tij, propozimi "në thelb pranon logjikën nacionaliste të qeverisë bullgare, duke sugjeruar se ekziston një problem me diskriminimin ndaj bullgarëve në Maqedoninë e Veriut".

“Propozimi francez për heqjen e bllokadës bullgare është një fatkeqësi për zgjerimin. Duket se është mirë t'i japë fund vetos, por arrin pak dhe mbart rreziqe të mëdha”, thotë Bieber, i cili konsiderohet një ekspert i shkëlqyer i Ballkanit.

Para së gjithash, sipas profesorit austriak, propozimi "fut mosmarrëveshjen dypalëshe në procesin e negociatave të BE-së, duke i dhënë legjitimitet dhe inkurajim anëtarëve të ardhshëm të BE-së për të bllokuar vendet e anëtarësimit". Për më tepër, thotë Bieber, ajo është e pabalancuar sepse "është shumë më afër kërkesave bullgare sesa qëndrimit maqedonas".

Propozimi francez “injoron se problemi është krijuar (pjesërisht) edhe nga BE-ja. Dhjetëra mijëra qytetarë maqedonas morën pasaporta bullgare sepse janë pasaporta të BE-së, jo sepse ndihen si bullgarë. Kërkesat e qytetarëve për të qenë shtetas të BE-së (për të punuar) keqpërdoren nga Bullgaria për të pretenduar se janë bullgarë "etnikë".

Si pikë e pestë, Bieber thekson se propozimi “bilateralizon dhe diskrediton mekanizmat realë për mbrojtjen e të drejtave të pakicave”.

Bieber beson se propozimi nuk do të ketë mbështetje të mjaftueshme në Maqedoninë e Veriut dhe "dështimi për të ratifikuar marrëveshjen do të interpretohet si dështim i Maqedonisë së Veriut, jo i kërkesave nacionaliste bullgare".

Së fundi, përfundon ai, "në vend se një rrugëdalje e lehtë, propozimi francez do të minojë më tej reputacionin e BE-së dhe do të varrosë procesin e zgjerimit."

Video e ditës