Berisha: Synimi ynë kryesor është që Rama të largohet sa më shpejt
Ish-presidenti dhe ish-kryeministri shqiptar, i cili drejton krahun për rindërtimin e Partisë Demokratike, Sali Berisha deklaroi se qëllimi i vetëm i opozitës më gjerë është rrëzimi i qeverisë së Edi Rama.
Ai po komentonte deklaratën e kreut të Partisë së Lirisë dhe ish-presidentit Ilir Meta për formimin e qeverisë teknike muajin e ardhshëm.
“Nuk kemi diskutuar për qeveri teknike, por qëndrimi i përbashkët është që Edi Rama të largohet sa më shpejt”. Pas largimit të kësaj qeverie, detyra më themelore është përgatitja e zgjedhjeve të lira dhe të ndershme. Nëse do të krijohet një qeveri teknike apo një qeveri ad-hoc do të zgjidhet nga forcat politike”, tha Berisha.
Ai shprehu gatishmërinë për të bërë koalicion me partinë e Metës për zgjedhjet e ardhshme vendore në 2023.
Ai saktësoi se kandidatët e Partisë Demokratike nuk do të zgjidhen nga ai personalisht dhe as nga Kryesia e partisë, por në zgjedhje paraprake sipas parimit “një anëtar – një votë”.
Meta njoftoi më parë rrëzimin e Edi Ramës nga pushteti dhe formimin e qeverisë teknike në shtator të këtij viti, duke e akuzuar atë për korrupsion, krim dhe shpopullim të vendit.