Berettini është kundërshtari i Nadalit në gjysmëfinalen e Australian Open
Tenisti italian Matteo Berettini siguroi një vend në gjysmëfinalen e Australian Open ku do të përballet me Rafael Nadal.
Berettini ashtu si Nadal kishte epërsi 2-0 në sete, por e ndau fitoren në setin e pestë, me 6:4,6:4,3:6,3:6,6:2. Kjo do të jetë gjysmëfinalja e parë për Berettinin në Australian Open.
Setin e parë italiani e fitoi në vetëm 37 minuta me rezultat 6:4, ndërsa në të dytin për të njëjtin rezultat Berettini dhe Monfils luajtën 62 minuta.
Në setin e tretë dhe të katërt, Monfils ishte kundërshtar më i mirë dhe me 6:3 fitoi setet dhe arriti në barazimin 2:2. Në të dyja setet, Monfils mori tre herë shërbimin e italianit, duke i lënë vetëm një pikë break, të cilën e mbrojti me sukses.
Në setin vendimtar, Beretino e nisi shkëlqyeshëm, mori dy shërbimet e para të Monfils dhe kaloi në epërsi me 4:0, pas së cilës në mënyrë rutinore e mbylli ndeshjen dhe siguroi një ndeshje gjysmëfinale me Rafael Nadal.