Policia belge qëlloi për vdekje një pacient në një klinikë psikiatrike, i cili mbante një thikë dhe sillej në mënyrë agresive.
Policia qëlloi dhe vrau një pacient të armatosur që mbante një thikë në një klinikë psikiatrike në Bruksel, thanë prokurorët vendas, raporton Brusselstimes.
Ngjarja ka ndodhur rreth orës 10:30
Policia u thirr pasi 49-vjeçari filloi të sillej në mënyrë agresive në Institutin Psikiatrik Fond Roa dhe stafi i klinikës nuk mund të merrej me të.
Prokuroria tha se nga gjetjet e para nga hetimi rezulton se policia është dashur të thërrasë forcat pas mbërritjes së patrullës së parë në vendngjarje, për shkak të sjelljes veçanërisht të rrezikshme të personit dhe gjendjes së ankthit.
“Gjatë aksionit, punonjësit e policisë është dashur të përdorin armë”, tha prokuroria, duke shtuar se pacienti është qëlluar me plumb në krah dhe në stomak, dhe nga plagët e marra ka ndërruar jetë pasi është transportuar në spital.
Prokuroria njoftoi se një komision, i cili kryen mbikëqyrjen e jashtme mbi policinë belge, do të hetojë rastin.