Masa për ngrirjen e çmimeve të produkteve bujqësore nuk do të vazhdojë, duke qenë se çmimi i disa produkteve tashmë është më i ulët se niveli i vendosur. Inflacioni në fushën e produkteve ushqimore është në rënie të ndjeshme, ndaj presim që inflacioni në vend të jetë më i ulët se dhjetë për qind në qershor.

Kështu ka theksuar ministri i Ekonomisë Kreshnik Bekteshi pas takimit të sotëm me Ministrin e Tregtisë së Jashtme dhe Marrëdhënieve Ekonomike të Bosnjës dhe Hercegovinës, Stasha Kosharac.

Bekteshi thotë se janë duke e monitoruar situatën me çmimet e produkteve dhe nëse vërehet ndonjë keqpërdorim nga tregtarët do të ndërmerren masat përkatëse.

-Sipas të dhënave të fundit, inflacioni këtë vit do të jetë nën nivelin e parashikuar. Në fushën e masave të ndryshme, ne bëjmë analiza në baza ditore dhe ato gjithmonë mund të miratohen, këtë sigurisht që do ta bëjmë në bashkëpunim me odat ekonomike, tha Bekteshi.

Në fushën e energjisë, ai sqaroi se me ministrin e Financave dhe kryetarin e Komisionit Rregullativ të Energjisë dhe anëtarët e tjerë të Këshillit të Energjisë në kuadër të Qeverisë muajin e ardhshëm do të diskutohet për modelin e ri të përllogaritjes së çmimit të energjisë elektrike. por ai u tha qytetarëve se si do të jetë modeli i vendosur, nuk do të ketë rritje të çmimit të energjisë elektrike.

“Unë nga sot mund t'u njoftoj qytetarëve se nga 1 korriku deri në fund të vitit nuk do të paguajnë rrymën më të shtrenjtë, tha Bekteshi.

Ndërkaq, të dy ministrat më herët sot nënshkruan marrëveshje dypalëshe ndërmjet qeverive të dy vendeve - për bashkëpunim ekonomik dhe bashkëpunim në fushën e turizmit.