Një foshnjë ka lindur në Indi me gjithsej 26 gishtërinj dhe këmbë. Përkatësisht, vajza e lindur në shtetin federal indian të Rajasthan, ka shtatë gishta dhe gjashtë gishtërinj. raporton “Daily Mail”.

Mjekët e kanë përshkruar gjendjen e saj si një anomali gjenetike, por familjarët janë të emocionuar. Ata besojnë se vajza është një version i rimishëruar i Dolagar Devi, një perëndeshë lokale, tempulli i së cilës ndodhet afër vendit ku ka lindur. Sipas statujave të perëndeshës, Dolagar Devi kishte disa duar.

Nëna e foshnjës, 25-vjeçarja Sarya Devi është shumë e lumtur për këtë.

“Motra ime lindi një fëmijë që ka 26 gishta dhe ne besojmë se është rimishërimi i Dolagar Devit. Jemi shumë të lumtur”, tha xhaxhai i vogëlushit.

Mjeku nga spitali ku ka lindur foshnja ka konfirmuar se foshnja është e shëndetshme.

“Nuk ka të keqe të kesh 26 gishta, por është një anomali gjenetike. Ndryshe, vajza është absolutisht e shëndoshë”, tha mjeku.

Për momentin nuk dihet nëse familja planifikon që vajza e tyre e porsalindur t'i nënshtrohet një operacioni specifik.