Drejtuesit e Barcelonës janë gati për gjithçka për të rikthyer Lionel Messin në Camp Nou dhe tashmë gazetari Fernando Polo shkruan se presidenti i Barcelonës, Joan Laporta, tashmë ka kontaktuar me babanë dhe menaxherin e Leo Messit, Jorge.

Laporta dëshiron të rikthejë Messin në Camp Nou në mënyrë që argjentinasi të përfundojë karrierën e tij si lojtar i Barcelonës dhe më pas të jetë ambasador i klubit.

Për t'u rikthyer si lojtar, Messi duhet të pranojë një pagë dukshëm më të ulët se ajo që ka në PSG ku fiton mbi 30 milionë euro. Gjithashtu, Messi do të duhet të pajtohet që të mos jetë lojtari kryesor i Barcelonës pasi në moshën 36-vjeçare nuk do të mund të luajë në asnjë ndeshje dhe sipas gazetarit Polo këto dy kushte janë të realizueshme.

Laporta beson se rikthimi i Messit do të ishte i rëndësishëm sa i përket marketingut, aq më tepër që është dëshira e çdo tifozi të skuadrës katalanas, përfshirë edhe trajnerin Xavi Hernandez.

Xavi dhe Messi janë miq të shkëlqyeshëm dhe kanë qenë në kontakt të vazhdueshëm prej vitesh, dhe Laporta shpreson se ai mund të jetë faktori vendimtar që argjentinasi të kthehet në ekipin me të cilin kaloi 20 vjet.

Por PSG nuk rri duarkryq dhe tashmë i ka ofruar Messit një kontratë të re, por argjentinasi nuk ka ndërmend të flasë me askënd pasi është i fokusuar në Botërorin në Katar dhe dëshiron të shohë se si do të zhvillohet sezoni.

Messi ka kontratë me PSG-në deri në vitin 2023, me mundësi vazhdimi edhe për një vit, por ai do të ketë fjalën e fundit për zgjatjen.