Barcelona ka dërguar ofertë zyrtare për mrekullinë nga Salzburgu, Karim Adejemi
Skuadra e Barcelonës ka dërguar sot një ofertë zyrtare për futbollistin e ri gjerman, Karim Adejemi, i cili këtë sezon po luan në mënyrë fantastike për Salzburgun.
Oferta që Barcelona i ka dërguar skuadrës austriake është 40 milionë euro.
Më herët Salzburgu bëri të ditur se nuk e ka ndërmend ta lirojë Adejemin për më pak se 35 apo 40 milionë euro dhe pritet që futbollisti i madh të kalojë në “Camp Nou” në merkaton e dimrit.
Mediat spanjolle shkruajnë se para se të dërgojnë ofertën me Salzburgun, Barcelona tashmë ka rënë dakord për kushtet personale me agjentët e futbollistit dhe në janar do të jetë përforcimi i parë për trajnerin Xavi Hernandez.
Karim Adejemi këtë sezon në 25 ndeshje në të gjitha garat, shënoi 15 gola dhe pati dy asistime që tërhoqi vëmendjen e gjigantëve të futbollit.