Banka e Britanisë: Rënia e kriptomonedhave tregon nevojën për rregulla më të ashpra

Kriptovalutat Bitcoin / Foto: EPA-EFE / SASCHA STEINBACH

Banka qendrore e Britanisë paralajmëroi sot se përplasjet e fundit të kriptomonedhave që fshinë më shumë se 2 trilion dollarë nënvizojnë nevojën për rregullim më të ashpër financiar.

Banka tha se rëniet ekspozuan defekte në tregjet e kriptove që të kujtojnë trazirat e mëparshme financiare.

Paqëndrueshmëria ekstreme në tregjet e kriptove ka çuar në shitje masive dhe rënie intensive të çmimeve, tha banka në raportin e saj të fundit të stabilitetit financiar.

Ndërsa stabiliteti i përgjithshëm financiar nuk është në rrezik, banka është e shqetësuar se "risqet sistemike" do të rriten pasi kriptovalutat ndërthuren më shumë me sistemin më të gjerë financiar.

Banka bëri thirrje për "korniza të përmirësuara rregullatore dhe të zbatimit të ligjit".

Video e ditës