Biden kundërshtoi deklaratën e Zelensky se raketa që ra në Poloni "duhet të jetë ruse"

Biden dhe Zelenski takohen në Shtëpinë e Bardhë / EPA-EFE / Doug Mills / POOL

Presidenti amerikan Joe Biden kundërshtoi sot deklaratën e presidentit ukrainas Volodymyr Zelensky se raketa që ra në Poloni, duke vrarë dy persona, nuk ishte me origjinë ukrainase.

- Kjo nuk është provë - u tha Biden gazetarëve në Shtëpinë e Bardhë pasi u kthye nga një udhëtim në Azi, raporton Reuters.

Zelenskiy tha dje se është i bindur se shpërthimi në të cilin humbën jetën dy persona në Poloni nuk ishte shkaktuar nga një raketë nga Ukraina.

“Nuk kam asnjë dyshim, nuk është raketa jonë”, ka thënë Zelensky për mediat ukrainase, transmeton Reuters.

Sekretari i Përgjithshëm i NATO-s, Jens Stoltenberg tha dje se hetimet për rënien e raketës në territorin e Polonisë janë duke vazhduar, por se analizat paraprake "sugjerojnë se incidenti ka shumë të ngjarë të jetë shkaktuar nga një raketë e mbrojtjes ajrore ukrainase".

Stoltenberg saktësoi në konferencën për shtyp se ka shumë të ngjarë të ishte një raketë "e lëshuar për të mbrojtur territorin ukrainas nga sulmet nga raketat ruse të lundrimit".

Video e ditës