Biden për kompanitë e naftës: Mos mendoni të pomponi çmimet me uraganin si justifikim

Joe Biden
Joe Biden / Foto: EPA-EFE / Yuichi Yamazaki

Presidenti Amerikan Joe Biden paralajmëroi kompanitë e energjisë që të mos përdorin uraganin Ian si një justifikim për të rritur çmimet e naftës dhe gazit.

- Dua të shtoj edhe një paralajmërim - për krerët e industrisë së naftës dhe gazit. Mos, e përsëris, mos e përdorni këtë si justifikim për të rritur çmimet e gazit ose për të torturuar popullin amerikan, tha Biden në fillim të një konference mbi urinë në Amerikë.

Biden tha se uragani "nuk ofron asnjë justifikim për rritjen e çmimeve në pikat e karburantit" - SHBA-të po e shikojnë. Industria duhet të bëjë gjënë e duhur, shtoi Biden.

Ai tha se çmimet e naftës kanë rënë ndjeshëm në krahasim me rekordet destabilizuese ekonomikisht në fillim të këtij viti dhe vlerësoi se “duhet të ulet edhe çmimi i gazit”.

Presidenti tregoi se këshilltarët i thanë se më pak se dy për qind e prodhimit ditor të naftës në SHBA ishte prekur nga uragani, kështu që "ky ndikim i vogël, i përkohshëm i stuhisë në prodhimin e naftës nuk jep asnjë justifikim".

“Nëse kostot e karburanteve rriten ndjeshëm, do t'u kërkoj zyrtarëve të kontrollojnë nëse rritja e çmimeve do të vazhdojë, tha ai.

Ka pak shenja që çmimet mesatare të gazit janë rritur ndjeshëm në Florida me afrimin e uraganit.

Video e ditës