Biden dha dritën jeshile për hyrjen e Suedisë dhe Finlandës në NATO

Konferenca për shtyp e Biden në Madrid / Foto: EPA-EFE / JUAN CARLOS HIDALGO

Presidenti i Shteteve të Bashkuara të Amerikës, Joe Biden, nënshkroi sot instrumentet e ratifikimit të protokolleve të anëtarësimit në NATO për Republikën e Finlandës dhe Mbretërinë e Suedisë.

Me këtë rast, Sekretari i Shtetit Anthony Blinken u bëri thirrje vendeve të mbetura anëtare të Aleancës që të ratifikojnë protokollet.

- Jemi të kënaqur me përparimin e shpejtë të Finlandës dhe Suedisë duke u bërë aleatë në NATO. Ekziston një mbështetje e fortë, federale dhe dypartiake për aplikimet për anëtarësim të Finlandës dhe Suedisë, dhe mezi pres hyrjen e tyre të shpejtë në aleancën më të fortë të mbrojtjes në histori, tha Blinken.

Ai shtoi se NATO mbetet e përkushtuar ndaj politikës së saj të dyerve të hapura dhe për forcimin e bashkëpunimit dypalësh të mbrojtjes dhe sigurisë.

Video e ditës