Policia australiane ka akuzuar një burrë që dyshohet se mbante një pushkë AK-47, e cila më vonë u zbulua se kishte një qëllim krejtësisht të ndryshëm. Policia mori disa thirrje urgjente në veriperëndim të Sidneit të mërkurën mbrëma duke thënë se një burrë po ecte në rrugë me një pushkë, raporton "BBC".

Pasi policia ka mbërritur në shtëpinë e të dyshuarit, ka gjetur një “armë”, por policia shumë shpejt e kuptoi se në të vërtetë ishte një bong – një mjet që përdoret për të pirë marijuanë. Një 50-vjeçar u arrestua më vonë në lidhje me ngjarjen, tha policia.

“Gjatë kontrollit të automjetit nga policia, dyshohet se u zbulua një pushkë e rreme AK-47”, tha Policia e NSW në një deklaratë.

Burri u akuzua më vonë për posedim të një arme zjarri të paautorizuar dhe kanosje. Atij i është caktuar masa e paraburgimit, ndërsa çështja e tij do të shqyrtohet në muajin prill.

Policia do të pretendojë në gjykatë se sendi i sekuestruar është një bong, një pajisje filtruese e mbushur me ujë që përdoret për të tymosur marihuanë dhe substanca të tjera bimore, raportojnë mediat lokale.

Ligjet e drogës në NSW thonë se është një shkelje "shitja, furnizimi ose shfaqja për shitje e një bong ose përbërësish, pavarësisht nëse synohet të përdoret për të administruar një ilaç të ndaluar".