Arsovska: Vardari është pronë private, nuk është dashur të lejohet të luajë në Ligën e Dytë
Kryetarja e Shkupit, Danela Arsovska, në paraqitjen e saj të ftuar në “Kanal 77”, ndër temat tjera ka komentuar edhe situatën në klubin më trofetar maqedonas, Vardarin.
Vardari për sezonin e dytë garon në ligën e dytë. Sezonin e kaluar kuqezinjtë nuk ishin edhe aq larg rikthimit nga kompeticioni më i fortë, por në fund iu desh të pranonin situatën që të paktën edhe një sezon të jenë në ligën e dytë.
Në deklaratën e saj për Vardarin, Arsovska tha se do të ishte e gatshme të ndihmojë, por një vendim i tillë nuk mund të merret në mënyrë të njëanshme dhe klubi aktualisht nuk ka asnjë lidhje me Qytetin e Shkupit.
“Vardari është krenaria më e madhe e Shkupit. Drejtuesit e mëparshëm i kanë ndërprerë të gjitha marrëdhëniet me Vardarin. Qyteti i Skpojes aktualisht nuk ka asnjë lidhje me klubin e futbollit. Është në pronësi private, edhe pse mendoj se nuk është zgjidhja më e mirë. Nga ana jonë ka një vullnet për të ndihmuar, por nuk është një vendim i njëanshëm. Vardari nuk duhej lejuar të bjerë në Ligën e Dytë”, tha Arsovska në një paraqitje në “Kanal 77”.