Ndonëse afati kalimtar dimëror është ende larg, Arsenali është ende duke u përgatitur për t'i paraqitur një ofertë Juventusit italian për nënshkrimin e dy futbollistëve, Dusan Vlahovic dhe Fabo Miretti.

Juventusi e nisi sezonin e ri i dëshpëruar, në shtatë xhiro ka arritur vetëm dy fitore dhe është në vendin e tetë të tabelës, ndërsa në Champions ka shënuar dy humbje në dy xhirot e para dhe kjo është reflektuar edhe në planin financiar.

Drejtuesit e Juventusit raportuan për një deficit prej 254 milionë eurosh dhe mediat italiane shkruajnë se atmosfera nuk është e mirë në dhomat e zhveshjes dhe Arsenali dëshiron të përfitojë nga kjo, pasi do të ndjekë dy futbollistë të ... zonja e vjetër” në janar.

Sipas mediave angleze, Arsenali është duke përgatitur një ofertë prej 115 milionë eurosh për Dusan Vlahovic dhe Fabio Miretti.

Vlahovic erdhi në Juventus vitin e kaluar nga Fiorentina, por këtë sezon ai po luan shumë nën pritshmëritë, për këtë arsye u kritikua nga publiku, ndërsa Miretti është vetëm 19 vjeç dhe menaxheri i Arsenalit, Mikel Arteta e sheh atë si liderin e klubit. gunners” në dekadën e ardhshme.