Arestovich: Lisichansk mund të bjerë; Shoigu: Rajoni i Luhanskut është çliruar
Këshilltari i Presidentit të Ukrainës Volodymyr Zelensky, Oleksiy Arestovich, tha sot se Lisychansk, qyteti i fundit nën kontrollin e forcave ukrainase në rajonin e Luhansk, mund të bjerë në duart e forcave ruse ndërsa luftimet u intensifikuan gjatë fundjavës.
- Çdo gjë do të jetë shumë më e qartë në një ose dy ditë, tha Arestovich.
“Ky është një kërcënim real. Do të shohim. Nuk po e përjashtoj asnjërin rezultat. Gjërat do të bëhen shumë më të qarta për një ose dy ditë”, tha Arestovic.
Guvernatori i rajonit të Luhanskut, Serhiy Hayday, tha se rusët nuk po dorëzohen në sulmin e tyre në Lisichansk dhe po i afrohen qytetit të rrethuar nga të gjitha anët.
Ministri rus i Mbrojtjes, Sergei Shoigu, informoi sot presidentin Vladimir Putin se është pushtuar edhe Lisichansk dhe se i gjithë rajoni i Luhanskut është çliruar, raporton Tass.
- Është vendosur kontroll i plotë mbi Lisichansk dhe zonat përreth, deklaroi Shoigu dhe shtoi se vetëm në 24 orët e fundit, forcat ruse dhe forcat e separatistëve pro-rusë në dhe rreth Lisichansk kanë pushtuar 182 kilometra katrorë territor.