Policia në mbarë botën ka arrestuar 150 persona të dyshuar për përfshirje në trafikun e mallrave të paligjshme online në një hetim të madh të Europolit. tha një burim policor për DW.

Qëllimi i operacionit ishin shitësit që punonin në sitin "Darkmarket", e cila u anulua nga policia në fillim të vitit, raportoi Deutsche Welle.

Që prej asaj kohe, hetimi është fokusuar në zbulimin e personave që shisnin mallra të paligjshme në vend dhe vendndodhjen ku ndodhej, duke kulmuar me këto arrestime.

Bastisjet e policisë, që dyshohet se janë kryer në Australi, Gjermani, Francë, Bullgari, Itali, Holandë, Zvicër, Britani dhe Shtetet e Bashkuara, kanë rezultuar në arrestimin e personave të identifikuar si "persona me interes".

Tregjet Darknet u lejojnë tregtarëve të drogës të shesin dhe shpërndajnë në mënyrë të sigurtë substanca psikotrope të paligjshme. Në të kaluarën, policia ka mundur të zbulojë operatorë në vende të tilla që koordinojnë shitësit, por ka rezultuar se është shumë më e vështirë për të zbuluar dhe arrestuar shitësit.