Massimiliano Allegri do të qëndrojë në pankinë Juventus deri në fund të sezonit, ka konfirmuar ai sonte njeriu i parë i klubit Andrea Agnelli.

Juve humbi nga Maccabi në Haifa dhe është afër eliminimit nga Champions League, por pavarësisht kësaj, Agnelli nuk po mendon ta zëvendësojë.

– Një natë e vështirë, ka ardhur momenti që duhet të analizojmë se çfarë po ndodh. Kjo është një nga periudhat më të vështira dhe momenti për të marrë përgjegjësi. Max Allegri është trajneri ynë dhe do të mbetet i tillë, ne kemi besim të plotë tek ai. Ndihem i turpëruar dhe i zemëruar gjithashtu, por kjo nuk është një situatë ku duhet të fajësoni vetëm një person, por të gjithë ekipin. Jo Allegri dhe lojtari ynë dhe mjeku apo fizioterapisti. Kemi nëntë ndeshje në 30 ditë dhe sa më shumë rezultate të mira. Mund të konfirmoj se Allegri do të mbetet trajneri ynë deri në fund të sezonit – tha Agnelli.

Forma e “Zonjës së Vjetër” është e keqe dhe pas debaklit të sotëm janë minimale shanset për t’u kualifikuar në fazën eliminatore në Champions League.

Ndeshja e radhës e Juventusit në kompeticionin elitar evropian për klube do të jetë më 25 tetor kundër Benfica-s portugeze.