Gjatë ditës së sotme deri më tani kemi 17 zjarre në ambiente të jashtme dhe zjarre në pyje. Prej tyre, gjashtë janë shuar plotësisht, ndërsa pesë janë vënë nën kontroll të plotë. Në këtë moment kemi gjashtë zjarre aktive, tha sot pasdite drejtori i Qendrës për menaxhim me kriza (QKK), Stojançe Angelov.

Zjarri i parë dhe më i ndërlikuar për t'u shuar në territorin e Komunës së Makedonski Brodit është zjarri në atarin e fshatit Tazhevë dhe Breznicë, me degën drejt Jasenit, zjarr i cili ka disa ditë që ka shpërthyer.

Shiu që ka rënë sot në sasi të vogël nuk e ka shuar këtë zjarr dhe ai vazhdon të digjet. Në këtë vend punon një ekip prej 40 personash nga Hungaria me automjete speciale fuoristradë, si dhe 50 pjesëtarë të Armatës së Maqedonisë, të mbështetur me avionë, tha Angelov.

Ai bëri të ditur se zjarri i dytë kompleks është zjarri në territorin e Komunës së Probishtipit, konkretisht në malet e Osogovës, i cili po tërbohet në atarin e fshatit Zelengrad, mbi të cilin është vendosur kontroll i pjesshëm.

Në këtë vend sot kemi vepruar me një sulm të koncentruar me disa helikopterë, aq sa kemi mundur të dërgojmë në maksimum. Në territorin e Komunës së Demir Hisarit kemi një zjarr në malin e Ilinit, një zjarr shumë i pakëndshëm që po ashtu digjet prej disa ditësh. Gjatë ditës së djeshme kemi funksionuar me “ajër traktorë”, por është krijuar tym i zi i dendur, i cili ka vështirësuar fluturimin e avionëve dhe ka rrezikuar sigurinë e tyre, për këtë arsye është dashur të ndalojmë shuarjen nga ajri. Në këtë moment aty po veprojnë forcat tokësore, tha Angelov.

Ai ka shtuar se një tjetër zjarr ka edhe në Komunën e Plasnicës, afër fshatit Plasnicë, ku është duke u shuar nga toka. Siç tha ai, zjarri në afërsi të Ohrit që shpërtheu në atarin e fshatit Kosel sot është riaktivizuar, po shkakton ankth te popullata, po lëviz në drejtim të Resnjës, por nuk paraqet rrezik për asnjë vend të banuar.

Edhe pse janë më shumë se njëqind persona që po shuajnë zjarrin në terren, era thjesht kaloi dhe në një moment humbi kontrolli mbi këtë zjarr. Zjarri i fundit aktiv është në territorin e Komunës së Dollnenit dhe fshatit Lazhan dhe po shuhet nga toka duke djegur bimësinë e ulët. Kemi nën kontroll pesë zjarre në territorin e komunës së Kratovës, Koçanit, Makedonski Brodit, Sveti Nikollës dhe Probishtipit, shtoi Angelov.

Ai përmendi se janë shuar plotësisht gjashtë zjarre, dy prej të cilave janë në territorin e qytetit të Shkupit, të cilat gjatë pasdites së djeshme kanë shkaktuar ankth te qytetarët, zjarri në Komunën e Zelenikovës dhe në Studeniçan.

Angelov ka treguar se në këtë moment, me mekanizmin evropian për mbrojtje dhe shpëtim në territorin e shtetit, një helikopter nga Serbia, një nga Çekia, një nga Sllovenia, dy nga Hungaria, si dhe dy "air traktorë" nga Suedia dhe dy nga Gjermania. Njëkohësisht, siç theksoi ai, një ekip nga Hungaria me 46 persona ka mbërritur në ndihmë me automjete speciale fuoristrade, me të cilat mundësohet lëvizja në zona të vështira për t'u qasur.