Andrej Jakimovski është sërish pjesë e ekipit të basketbollit të Maqedonisë për kualifikimet për Botërorin 2023, pasi në dy ciklet e mëparshme për shkak të obligimeve në Ligën NCAA nuk ka mundur të jetë pjesë e kombëtares.

Por, pas një pauze prej dy vitesh, Jakimovski është rikthyer në kombëtare dhe nuk e fsheh kënaqësinë e tij.

- Më në fund, pas një periudhe të gjatë, mund të luaj për ekipin e të rriturve. Është kënaqësi e madhe të luash për kombëtaren dhe është sfidë. Nuk kemi presion, na takon neve të japim më të mirën dhe të japim maksimumin nga vetja dhe do të shohim rezultatet. Ne kemi një ekip shumë të ri, por duhet të tregojmë pse jemi këtu. Mund të mos shohim rezultate tani, por është e rëndësishme që të gjithë të rinjtë të fillojnë diku dhe të ndërtojnë një ekip - thotë Jakimovski.

Maqedonia në dy ndeshjet e fundit në kualifikimet për Botërorin 2023 do të luajë me kampionen aktuale të botës, Spanjën dhe Ukrainën.

– Me kampionin aktual të botës do të shohim deri ku jemi, ndeshja e parë është kundër asaj Spanjës së fortë, por nuk do të dorëzohemi para kohe.