Anastasia Davydova, sekretarja e përgjithshme e Komitetit Olimpik Rus (ROC) dhe pesë herë medalje e artë olimpike, është arratisur nga vendi, raportojnë mediat shtetërore. Ky lajm u shfaq në uebsajtin “insidegames”.

Largimi i Davydova nga Rusia vjen në vazhdën e mobilizimit të pjesshëm të rezervistëve ushtarakë për të luftuar në luftën në Ukrainë dhe Ministria e Sporteve urdhëroi organet qeverisëse kombëtare të pezullojnë kampet stërvitore jashtë vendit.

Davydova informoi stafin në bazën e saj në Moskë (organizata e sinkronizuar e notit) se ajo nuk kishte plane të kthehej në Rusi. Kryetrajneri i notit të sinkronizuar të Rusisë tha se Davydova u largua nga vendi.

Davidova u bë sekretar i përgjithshëm i ROK-ut, pas një karriere të spikatur si sportiste.

Pesë medaljet e arta olimpike të Davydova, të fituara në Athinë 2004, Pekin 2008 dhe Londër 2012, janë rezultati i dytë më i mirë në sport i të gjitha kohërave nga një grua ruse.