Gjykata Kushtetuese e Maqedonisë vendosi më 11 dhjetor të shqyrtojë kushtetutshmërinë e Ligjit për përdorimin e gjuhëve – një nga shtyllat kryesore të Marrëveshjes Kornizë të Ohrit dhe harmonisë ndëretnike. Çdo tentativë për shfuqizimin e ndonjë dispozite të këtij ligji nuk është vetëm akt juridik, por është goditje e drejtpërdrejtë për stabilitetin dhe paqen që ky vend e ka ndërtuar me shumë sakrifica, kanë thënë nga BDI.

– Nuk mund të them se BDI-ja ka dërguar kërcënime në Gjykatën Kushtetuese, por kjo parti paralajmëroi për pasoja të paparashikueshme nëse Ligji për përdorimin e gjuhëve shfuqizohet pjesërisht dhe siç thonë ata, “shfuqizohet gjuha shqipe në Maqedoni. " Nuk jam i sigurt që është kështu, këtu kam parasysh pjesën për shfuqizimin e ligjit, por gjyqtarët shqiptarë, tre në numër, kanë paralajmëruar se do ta bojkotojnë këtë seancë, ndaj tashmë po krijohet një atmosferë e tensionuar. Gjatë shënimit të Ditës së Flamurit Shqiptar, pamë që individët shumë lehtë mund të cenojnë sigurinë publike, ndaj mendoj se më 11 dhjetor mund të krijohet një situatë që do të prishte rendin dhe qetësinë publike - thotë gazetari i Sloboden Pechat. Srdjan Ivanoviq.