Ushtria amerikane në Siri, pas ndryshimit të lidershipit në vend, ndihmoi forcat aleate për të pushtuar territore të rëndësishme, shkruan “Washington Post”, duke iu referuar një burimi të paidentifikuar.

“Forcat e armatosura amerikane, të cilat numërojnë rreth 800 ushtarë në lokacione të ndryshme në Sirinë Lindore, koordinuan veprimet e formacioneve aleate dhe u mundësuan atyre të pushtonin territorin strategjik”, shkruan gazeta.

Që nga fundi i nëntorit, grupet e armatosura kanë pushtuar disa qytete të mëdha në Siri, përfshirë Damaskun. Presidenti i vendit, Bashar al-Assad, sipas Ministrisë së Punëve të Jashtme ruse, ka zhvilluar negociata me disa nga pjesëmarrësit në konflikt, gjatë të cilave ka vendosur të japë dorëheqjen dhe të largohet nga vendi.

Rusia nuk mori pjesë në këto negociata. Më vonë, një burim i Kremlinit tha për mediat ruse se Assad dhe anëtarët e familjes së tij kishin mbërritur në Moskë, e cila u kishte dhënë atyre azil për arsye humanitare.

Një bashkëbisedues për mediat ruse theksoi se zyrtarët rusë janë në kontakt me përfaqësuesit e opozitës së armatosur siriane, liderët e së cilës kanë garantuar sigurinë e bazave ushtarake ruse dhe institucioneve diplomatike në Siri.