Alternativa sonte në mbledhjen e Bordit Qendror, ka vendosur që t'i bashkohet shumicës parlamentare dhe të hyjë në Qeveri. Kështu u bë e ditur sonte në një konferencë për media nga partia.

– Alternativa vendosi të bashkohet me mazhorancën parlamentare dhe të jetë pjesë e kësaj qeverie. Ne mendojmë Mbyllja e mosmarrëveshjes me Bullgarinë është jo vetëm një synim shtetëror, por edhe një synim shqiptar, sepse mbyllja e kësaj çështjeje i hap rrugën mbarë rajonit drejt BE-së.

Për më tepër, ne kërkojmë si parti hetim ndërkombëtar për rastet e Monstrum, Alfa, Divo Naselje.

Ne vendosëm të bëjmë një hap të tillë për shkak të anëtarësimit në NATO, zgjidhjes së mosmarrëveshjes me Greqinë. Ne besojmë se arritja e marrëveshjeve është një gjë e madhe për vendin tonë, për shqiptarët, por edhe fitore për Alternativën, thonë nga partia.

Alternativa njoftoi një konferencë të re për shtyp në mëngjes në të cilën do të njoftohen detaje se cilat poste dhe dikastere ministrore do t'u takojnë atyre.