Sensacioni spanjoll i tenisit Carlos Alcaraz beson se rekordet e Roger Federer, Novak Djokovic dhe Rafael Nadal do të jenë të paarritshme për tenistët për një kohë të gjatë.

Në dy dekadat e fundit, tre tenistët e mëdhenj kanë vendosur rekorde të jashtëzakonshme që, sipas Alcaraz, janë të pamundura për t'u arritur.

Që nga viti 2008, Nadal, Federer dhe Gjokoviç kanë fituar 48 tituj Grand Slam, ndërsa pjesa tjetër e tenistëve vetëm 10 herë kanë ngritur kupat e kampionatit në turnetë më të mëdhenj të tenisit.

– Mendoj se nuk ka asnjë shans për të përsëritur atë që bënë Roger, Rafa dhe Novak. Nuk ka të bëjë me mungesën e besimit apo aftësive tona. As unë dhe asnjë nga kolegët e mi nuk do të arrijmë atë që bënë këta tre burra të mëdhenj – thotë Alcaraz.

Edhe pse vazhdimisht flet për ambicie të mëdha, Alcaraz, i cili bëri rezultate të shkëlqyera këtë vit duke triumfuar në dy turne Masters, e kupton se sa e vështirë është të arrish majat.

- Këtu po flasim për arritje të pamundura. Një gjë e tillë nuk më shkon fare në mendje në këtë moment. Më mirë do të qëndroja fort në tokë dhe do të mendoja për të tashmen - thotë Alcaraz.