Spastrimi etnik i shqiptarëve nëpër institucione, i cili filloi me uljen e përqindjes në Balancer, vazhdon me shëndetësinë në krye me Arben Taravari, bëjnë të ditur Aleanca për Shqiptarët.

“Fatkeqësisht sot është bërë e ditur se drejtori i Klinikës së Toksikologjisë i emëruar nga vetë Taravari ka shkarkuar 18 shqiptarë. Ndërkohë, një numër i stafit të klinikave të tjera alarmojnë se kanë marrë paralajmërime se shumë shpejt mund të kenë të njëjtin fat. I bëjmë thirrje Taravarit dhe koalicionit VLEN që ta ndalin këtë servilizëm tani me pasoja të rënda për shqiptarët. I pyesim publikisht nëse ky është veprimi që ata shpallën me aq pompozitet dhe ndryshimi që u premtuan shqiptarëve në fushatë. Me këtë ndryshim realisht po i zbatoni politikat e Mickoskit “Maqedonia është sërish e juaja”!”, thuhet në njoftimin e Aleancës për Shqiptarët.