Ministri shqiptar i Mbrojtjes: Shqipëria është e sigurt dhe e mbrojtur nga konflikti
Ministri shqiptar i Mbrojtjes, Niko Peleshi, tha se çdo pëllëmbë e Shqipërisë është e sigurt dhe e mbrojtur nga parimi i mbrojtjes kolektive të NATO-s.
Këtë ai e siguroi para pjesëmarrësve në panelin “Siguria-Rajoni-Evropë” që po mbahet në kuadër të Kongresit të Partisë Socialiste në pushtet.
- Historikisht, vokacioni perëndimor i shqiptarëve u konkretizua 13 vjet më parë me anëtarësimin në NATO. Sot Shqipëria është një eksportuese e sigurisë në misionet paqeruajtëse dhe një faktor stabiliteti në rajon. Rreth 8.000 pjesëtarë të forcave të armatosura kanë shërbyer në misionet e NATO-s, BE-së, OKB-së nga Afganistani, Iraku, Letonia, Mali, Sudani në BeH dhe natyrisht në Kosovë, tha Peleshi.
Duke theksuar kërcënimet e sigurisë në Evropë, si pasojë e ngjarjeve të fundit dhe nevojën që forcat e armatosura të jenë në gjendje të mbrojnë integritetin territorial të vendit, ministri tha se si rezultat i agresionit rus, mjedisi i sigurisë në Evropë dhe Kufiri lindor i Aleancës është i kërcënuar dhe i paparashikueshëm.
- Çdo centimetër katror në Shqipëri është i sigurt dhe i mbrojtur nga parimi i mbrojtjes kolektive të NATO-s. Zhvillimet e fundit kanë forcuar unitetin e Aleancës në mbrojtje të hapësirës së përbashkët dhe sovranitetit të shteteve anëtare. Forcat e armatosura duhet të përmbushin detyrat që dalin nga NATO. Forcat e armatosura duhet të jenë në gjendje të përmbushin detyrimet që dalin nga misioni kushtetues për ruajtjen e tërësisë territoriale të vendit, theksoi Peleshi.
Ai njoftoi për herë të parë fillimin e një procesi të shpejtë të krijimit të ushtrisë rezervë dhe përmendi zbatimin e bazës ajrore taktike të NATO-s në Kuçovë, e cila ndodhet në jug të vendit dhe do të jetë baza e parë ajrore e Aleancës në Ballkani Perëndimor.