Qeveria shqiptare ka ndryshuar mendje, ndaj vendimi që duhej të hynte në fuqi sot, nuk do të zbatohet për ata që shpenzojnë më shumë se 800 kilovat orë në muaj duke paguar më shtrenjtë energjinë elektrike.

Kryeministri Edi Rama, në komunikimin e sotëm online me qytetarët, ka deklaruar arsyet e tërheqjes së vendimit, i cili sipas tij, mund të fillojë të zbatohet nga muaji i ardhshëm, që varet nga sa do të kursejnë vetë qytetarët në konsum. si dhe kushtet hidrologjike.

- Vendosëm të shtyjmë zbatimin e vendimit për dy arsye: elementi i parë janë reshjet. Patëm reshje të dendura shiu, të cilat rritën nivelin e rezervuarëve artificialë në hidrocentrale. Elementi i dytë është tendenca e kursimit që ka bërë që nevoja për energji të jetë më e ulët se parashikimi. Duke marrë parasysh këto dy elemente, vlerësuam se mund të vazhdojmë të plotësojmë nevojën për energji elektrike, tha Rama.

Në datën 24 të muajit të kaluar, me propozim të qeverisë, Zyra e Rregullatorit për Energji miratoi 4,4 herë rritje të çmimit të energjisë për familjet që konsumojnë më shumë se 800 kilovat energji elektrike në muaj, pra në vend të 9,5 lekëve, çmimi duhet të kanë qenë 42 lekë për kilovat orë.

Ky vendim ishte paraparë të zbatohej deri më 31 dhjetor të këtij viti.