Presidenti aktual austriak me avantazh në sondazhet para zgjedhjeve të reja
Presidenti aktual austriak Alexander van der Bellen, një javë para zgjedhjeve presidenciale, kryeson kandidatët e tjerë në sondazhet e opinionit publik me 56 për qind të votave.
Van der Bellen, në zgjedhjet e planifikuara për 9 tetor, kërkon nga austriakët t'i japin një mandat të dytë presidencial.
Hulumtimi i Institutit Lazarsfeld tregon se Van der Bellen aktualisht mund të fitojë 56 për qind të votave dhe kështu të zgjidhet në raundin e parë të votimit.
Në vend të dytë është kandidati i Partisë së Lirisë së Austrisë (FPO) Walter Rosenkranz me 16 për qind të votave.
Pesë kandidatët e tjerë nuk janë as afër tyre. Aktualisht në vendin e tretë do të ishte Robert Wlazny, një këngëtar dhe mjek nga Vjena, themelues i Beer Party, i cili mund të shpresojë të fitojë nëntë për qind të votave, tre më pak se javën e kaluar.
Avokati dhe kolumnisti Tasilo Valentin pasoi me tetë për qind të votave, blogeri dhe ish-politikani Gerald Gross me gjashtë për qind dhe kreu i partisë antivaksere "Njerëz, Liri, të Drejtat Themelore" (MFG) Michael Brunner me tre për qind të votave. .
Në vendin e fundit është prodhuesi i këpucëve Heinrich Staudinger me dy për qind të votave.
Në Austri, është praktikë e zakonshme që presidenti aktual, kur kandidon për një mandat të dytë, të fitojë zgjedhjet. Për këto arsye, asnjë parti parlamentare, me përjashtim të FPO-së, nuk ka dashur të paraqesë kandidatin e saj në zgjedhje