Në metropolin amerikan të Nju Jorkut, bora nuk ka rënë tashmë për 326 ditë, dhe nëse nuk bie nesër, do të thyhet rekordi i vitit 1973, kur ra bora e parë më së voni më 30 janar.

Nëse nuk do të ketë reshje bore edhe për disa ditë, do të “bie” një tjetër rekord – për periudhën më të gjatë pa borë në “Mollën e Madhe”. shkruan "New York Daily News."

Përveç qytetit të Nju Jorkut, qytete të tjera në Bregun Lindor të Shteteve të Bashkuara po thyejnë rekorde të ngjashme për periudhat pa borë këtë dimër.

Nga ana tjetër, pjesë të shtetit të Nju Jorkut u goditën nga një stuhi e rrezikshme dëbore në dhjetor, ku zyrtarisht humbën jetën 39 persona.