Hristijan Mickoski nuk duhet të flasë për luftën, sepse ai nuk ka qenë pjesë e saj, vetëm e ka parë në televizion, tha kryetari i BDI-së Ali Ahmeti në tribunën e djeshme në Tetovë.

Duke iu përgjigjur Mickoskit i cili së fundi i kërkoi liderit të BDI-së të thotë se sa miliona euro ka marrë familja e tij në kurriz të viktimave të konfliktit ushtarak në vitin 2001, Ahmeti tha se deri më tani ka heshtur sepse heshtja është ilaç dhe për 20 vjet kanë kanë punuar në ndërtimin e strategjive për të realizuar qëllimet e tyre dhe për këtë arsye vlerësohen nga elektorati i BDI-së.

Vetëm me më shumë punë mund të jemi të fortë, jo vetëm për 20 vjet por edhe më shumë. Kanë kaluar 20 vjet, sepse ne i kemi planifikuar gjërat në çdo fazë, si do të shkojnë. Kemi vepruar në kohë të vështira, në rrethana shumë delikate, edhe pse e mira nuk ka fund, ka ende shumë punë, tha Ahmeti.

Lideri i BDI-së, sa i përket ndryshimeve kushtetuese, pret që ato të ndodhin për dy deri në tre muaj dhe se nuk janë vetëm në interes të shqiptarëve, por edhe të gjithë qytetarëve në vend.

Duhet të bëjmë një vetting, duke filluar nga politikanët, pushteti ekzekutiv, kryetarët e bashkive sepse është për të mirën e vendit. Ky kontroll duhet të bëhet nga specialistë të huaj, pasi besueshmëria mund të kontestohet. Ne kemi nevojë për një gjyqësor të dëshmuar dhe një politikan që të kemi besim në zhvillimin e procesit, përfundoi Ahmeti në forumin e djeshëm në Tetovë.