Shtetet e Bashkuara nuk kanë publikuar ende emrat e personave nën hetim për korrupsion, të cilët mund të jenë pjesë e listës së zezë të saj, por thonë se nuk ka kufizime se kush mund të përfshihet në listë.

Në një intervistë për “Rruga drejt” Alsat, ambasadori amerikan Angela Ageler thotë se institucionet në Uashington janë shumë të kujdesshme që të hetojnë tërësisht emrat që ata konsiderojnë përpara se t'i publikojnë. Në hetim janë përfshirë politikanë, njerëz të drejtësisë dhe biznesmenë.

Ageler tha se varet nga institucionet e vendit në Shkup se çfarë do të bëjnë me këta njerëz. Dy javë më parë, ambasadori tha këtë “Një apo dy persona” nga Maqedonia do të jenë në “listën e zezë” amerikane.

- SHBA mund të sanksionojë individë, por ne nuk i arrestojmë, nuk vijmë këtu për t'i arrestuar, thjesht u themi se po vendosim sanksione të caktuara financiare ndaj tyre ose se ata nuk do të mund të udhëtojnë më në SHBA, apo çfarëdo forme sanksionesh që ata marrin. Kështu që SHBA-të mund të thonë: Këtu, ju keni dy emra njerëzish që ne do t'i sanksionojmë, dhe siç e kemi parë me rastet që përmendët, sanksionet mbeten në fuqi pavarësisht vendimeve të gjykatës që janë marrë kundër atyre individë, por ata nuk nxisin asnjë padi këtu. Kjo është e Qeverisë së Maqedonisë së Veriut, e zyrtarëve të zgjedhur nga populli i këtij vendi. Ata duhet të thonë: ne kërkojmë nga të zgjedhurit tanë të marrin përgjegjësinë për korrupsionin që shohim çdo ditë, thekson Ageler.

I pyetur për projektin e fundit për ndërtimin e korridoreve 8 dhe 10D, ambasadori amerikan tha se institucionet duhet të hetojnë dyshimet e mundshme për kompaninë vendase që mbikëqyr punimet. Ajo shtoi se kompania amerikane “Bechtel”, e cila po ndërton projektin, nuk është aspak e lidhur me këto dyshime.

- Mendoj se keni parasysh dyshimet për këshilltarët e transaksioneve financiare. Kjo është një çështje e veçantë nga kontrata me “Bechtel-Enka”, e cila është nënshkruar rreth 10 ditë më parë dhe ne jemi jashtëzakonisht krenarë për atë kontratë për projektin më të madh infrastrukturor në historinë e këtij vendi. Ajo që ne vazhdojmë të themi është që nëse ka akuza për korrupsion, hetoni ato. Hetoni dyshimet dhe nëse janë të vërteta, ndiqeni penalisht! Por jemi shumë të sigurt që nuk janë për “Bechtel”, tha Ageler në një intervistë për “Alsat”.

Ageler: "Një ose dy emra" nga vendi do të jenë në "listën e zezë" amerikane