Administrata Biden po mbështet një shitje të mundshme të avionëve luftarakë F-16 në Turqi
Administrata e presidentit amerikan Joseph Biden po mbështet një shitje të mundshme të avionëve luftarakë F-16 në Turqi. Ndihmës Sekretarja e Mbrojtjes e Pentagonit për Sigurinë Ndërkombëtare Celeste Wallander tha në një konferencë shtypi sot se aftësitë e forta mbrojtëse të Turqisë do të forconin mbrojtjen e NATO-s.
"Shtetet e Bashkuara mbështesin modernizimin turk të marinës së saj sepse është një kontribut për sigurinë e NATO-s, dhe rrjedhimisht për sigurinë amerikane," tha ajo.
Sipas saj, ato plane janë në zhvillim dhe duhet të zhvillohen përmes proceseve të tyre kontraktuese.
Në tetor të vitit të kaluar, Turqia i dërgoi një kërkesë Shteteve të Bashkuara për të blerë 40 avionë luftarakë amerikanë F-16 nga Lockheed Martin dhe gati 80 komplete modernizimi të forcave ajrore.
Më herët, Uashingtoni zyrtar nuk ka shprehur hapur asnjë opinion për shitjen, përveçse ka njoftuar se e gjithë shitja e armëve do të duhet të kalojë në procesin e nevojshëm ligjor.
Presidenti turk Rexhep Tajip Erdogan do të takohet sot me presidentin amerikan, Joseph Biden.